Sa impormasyon gikan sa Tagum City Health Office, laing 9 anyos nga batang babaye ang nadugang sa ihap sa dengue death nga gikan sa Brgy. Magugpo South. Kahinumdoman nga niadtong Hunyo, usa ka 6 anyos nga babae gikan sa Brgy. Magugpo West ang namatay tungod gihapon sa dengue infection ug niadtong Pebrero ning tuiga, unang nakalas ang 7 anyos nga lalaki gikan sab sa Brgy. Magugpo South.
Nag-unang tulo ka barangay nga adunay taas nga kaso sa dengue mao ang Visayan Village, Mankilam ug Apokon.
Kanunay pahinumdom ngadto sa katawhan nga sundon ang 5s strategy o ang search and destroy mosquito breeding sites, self-protection o paggamit og insect repellents, seek early consultation sa pinakaduol nga health care facility, support fogging, spraying, and misting sa hot spot areas ug sustain hydration.
Samtang sa Davao City, maglusad og dagan kontra dengue karong July 28, 2024 aron pakusgan ang kampanya kontra dengue ug lain pang mosquito-borne diseases.
RadyoMaN Ivy Parido
