Davao City – Patay ang driver sa Mio Motorcycle nga giilang si Daniel Ontal Ostique Jr, 29 anyos, taga- 842-6 Bolton St., Davao City atol sa nahitabong disgrasya tali Isuzu Insulated Refrigerator Van nga gimanehoan usab ni Arwel Ajoc Labrigas nga taga-Purok 16, Sitio Durian, Bago Gallera, Davao City kaganihang alas-5:40 sa hapon sa may National Highway Brgy Coronon, Sta. Cruz, Davao del Sur.
Nasuta sa kapulisan nga naglawig paingon South nga bahin ang van samtang sa opposite nga direksyon ang motor apan pag-abot sa nasangpit nga lugar, dunay wala mailhing motor ang nitabok sa kadalanan rason sa pagsilay og likay sa van apan na-overshoot kini sa laing lane ug miresulta sa pagkadaro sa Yamaha motorcycle.
Gisulayan pa og dala ang drayber sa Yamaha motorcycle sa Provincial Hospital, Digos City apan gideklarang patay.
Sa pagkakaron nakakustodiya na sa Sta. Cruz Municipal Police Station ang driver sa van.
RadyoMaN Jason Amisola
