Laing batch sa drug surrendees nigradwar sa Aftercare Program

Davao City – Anaa sa 66 ka mga newly reformed drug dependents sa Padada, Davao del Sur ang nigradwar ilawom sa Community Based Rehabilitation and Aftercare Program – Padada Laban sa Droga (CBRAP-PaLaD) nga nagdala sa tema nga “Sa Droga Talo Ka! Sa Pagbabago Buhay Ka!”.

Matud ni Ms. Eden Joy Bellosa, CBRAP Focal Person, 5 sa 66 mga babayi.

Atol sa programa, nagpahigayon ang Municipal Health Office (CHO) og aktibidad pinaagi sa physiological ug psychological approach, social ug economic activities gikan sa nagkadaiyang stakeholders, ug spiritual reformation nga gipangulohan sa league of Pastors.

Karon nga balik na ang nahisgutan sa komunidad, padayong gihapon kining imonitor sa Philippine National Police (PNP) ug Philippine Drug Enforcement Agency (PDEA) pagsegurong dili na mabalik sa drug addiction ang naasoy nga mga indibidwal.

Gitunolan usab sa Local Government Unit (LGU) – Padada, ang mga drug surrenderees og food packs isip inisyal nga tabang gawas pa sa livelihood nga ihatag usab sa lokal nga panggamhanan alang kanila.

RadyoMaN Kirby Manzon