Davao City – Positibo sa dengue ang laing delegado gikan sa Davao Oriental subay sa gihimong Dengue Combo test sa Davao City Health Office alas 2 sa hapon adlawng Huwebes.
Kini gikumpirma ni City Health Office Tropical Disease and Control Division Pest Control Worker Melodina Babante sa RMN Davao.
Sumala sa report gikan sa CHO nga ang maong 17 anyos nga pasyente nga taga- Caraga, Davao Oriental giingong tulo ka adlaw na nga adunay kalintura.
Dali usab kining gidala sa Southern Philippines Medical Center.
Kagahapong adlawa gipailawom sa Dengue test ang laing 26 pa ka mga reported nga gipanghilantang atleta sa mga billeting areas sa Los Amigos Elementary School, Mabini Elementary School ug Imelda Elementary School.
Segun ni Babante nga adunay mga standby medtechs nga ga-monitor sa matag billeting quarters.
Samtang gibutyag ni CHO head Dra. Josephine Villafuerte nga dili na angay padulaon pa ang bisan kinsang atleta kung aduna na kiniy balatian.
Gibutyag ni Villafuerte nga base sa ilang imbestigasyon nasayran nga aduna nay kalintura ang 12 anyos nga namatay nga Davao Oriental athlete una pa man kini niabot sa Davao aron mudula sa DAVRAA meet 2019.
Matud ni Villafuerte nga base sa medical records nga Multi organ failure secondary to severe dengue with community acquired pneumonia ang gikamatay sa bata.
RadyoMaN Aimee Guinita
