Wala makalikay sa mga operatiba sa PS6 Puerto ang usa ka drug personality dihang naskiop kini atol sa gilusad nga anti-illegal drug buy bust operation niadtong Lunes sa alas 9 ang takna sa gabie.
Naila ang suspetsadong tigpayuhot sa iligal nga druga, usa ka 32 anyos nga lalaking si Bernie Abella, ulitawo nga residenti sa Purok 5, Naga, Brgy. Puerto ning syudad.
Nasayran nga napalitan sa mga pulis ang suspetsado sa usa ka sachet nga dunay sulod sa gituhoang shabu balor 500 pesos. Tungod ni-ini, wala na magduha-duha pa ang intel operatives sa PS 6 Puerto sa pag-aresto ni-ini.
Atol sa pagkapkap sa suspek, nakuha pa gikan ni-ini ang laing duha ka pakite nga dunay sulod nga gituhoang shabu nga gibana-banang motimbang og usa ka gramo nga dunay street value 6, 800 pesos. Lakip nga nakuha ang 500 pesos nga buy bust money.
Kasong violation sa section 5 ug 11 sa Article 2 sa Republic Act 9165 kon Comprehensive Dangerous Drugs Act of 2002 ang gi-andam na karon sa raiding team batok ni Abella samtang ana-a kini karon temporaryong naka-detained sa PS 6 mini custodial cell.
Dugang pa sa otoridad, ang mga nakumpiskang buy bust items ug drug evidence kauban ang suspect gikabutyag nga dad-on sa PNP Regional Crime Laboratory Office alang sa qualitative ug quantitative examination lakip na ang pag drug testing.
Kasama mo sa PS6 Puerto, RadyoMaN Andy Coco, DXCC Tatak RMN!
