Davao City – Tungod sa nagkadakong populasyon sa syudad nagkadako usab ang basura gikan sa nagkadaiyang barangay sa syudad sa Davao.
Sumala ni Lasang Davao City Barangay Captain Allan Simoag, gipaningkamutan sa syudad nga mahipos ang mga basura ug mabutang ngadto sa dumpsite sa New Carmen, Tugbok District. Matud ni Kapitan Simoag, sa ilang barangay apil sa ilang programa ang giingong solid waste management.
Giingon sa kapitan sa Lasang, mismo sa ilang barangay kung dili dayon makolekta ang basura dunay silay ilang mga pamaagi nga ginahimo aron dili mapasagdan ug magkatag ang basura sa ilang lugar.
Nagtoo usab si Kapitan Simoag nga ang lokal nga gobyerno sa syudad duna nay gihimong mga lakang aron masolusyon ang nagkadakong basura sa dakbayan, usa na niini ang pagpangita ug laing dumpsite tungod kay puno na usab ang dumpsite diha sa New Carmen, Tugbok District.
RayoMaN Bernard Pantallon
