Laing isa na usab ka LSI nga nahidangat sa dakbayan, nagpositibo sa COVID 19

Gikunpirma ni City Health Officer Dr. Cherlina Canaveral nga adunay laing usa na usab ang nag-positibo sa Corona Virus Disease o COVID 19 dinhi sa dakbayan sa Iligan.  
Usa kini ka Locally Stranded Individuals o LSI nga nahidangat dinhi sa dakbayan niadtung Hunyo dise syete nga gikan sa Cebu City.  
Matud ni Canaveral, usa kini ka lalaki, 45 anyos kinsa nag-positibo sa gihimong RT-PCR Test.  

Hinoon gipaklaro ni Canaveral nga wala pa makauli sa iyang pamilya ang maong nag-positibo o sa barangay kun asa kini siya tungod gikan sa pagdangat niya sa Iligan direkta dayon kining gibutang sa quarantine facility tungod sa mga simtomas nga na-detect ngadto kaniya.