Laing kristo sa sabungan-gipusil patay

119

General Santos City—on the spot patay ang laing usa ka kristo sa sabungan ug peddler, human gipusil patay sa wala mailhing suspetsadong nag motorsiklo alas 8:00 ang takna sa buntag sa may Promise Land Phase-1, Barangay Mabuhay Gensan.

Ang biktima giilang si Florante Salagumba, legal age, residenti sa Purok Sugod, Barangay Apopong Gensan.


Pahayag ni Jomar Torres, driver sa tricycle nga gisakyan sa biktima nga gikan sila sa Barangay Apopong sakay ang nahisgutan ug asawa niini ug tulo pa ka mga kaubanan. Pag abot sa may Phase 1, Promise Land, minaog ang biktimang si Florante aron mag sugod na unta ug pangitag cellphone nga guba aron ilang kambyohan ug planggana ug baunan.

Apan kalit lang miabot ang usa ka lalaking sakay sa XRM nga motorsiklo dayon gipusil ang biktima mduha ka higayon dayon sibat padulong sa highway nga bahin.

Nakaangkon ug duha ka mga samad ang biktima sa iyang ulo nga hinungdan sa kamatayon niini. Sumala usab sa asawa sa nasangpit, wala sya masayod unsay motibo sa pagpatay tungod wala may naestorya kaniya ang iyang bana kung duna ba kini nakalaban. Sa karon padayon ang pag-imbistiga sa kapulisan kalabutan sa insidenti.

Facebook Comments

From Advertisers