Davao City – Giduso sa kampo ni Presidential son ug kanhi Davao City Vice Mayor Paolo Duterte karong hapon ang laing duha pa ka mga libel cases kontra kang Senator Antonio Trillanes III.
Sa press briefing karong hapon niatubang sa media ang abogado ni Pulong nga si Atty. Rainier Madrid kalabot sa dugang kaso nga ilang gipasaka sa City Prosecutor’s Office
Giesplekar ni Madrid nga nipasang-at og kaso ang kanhi bise alkalde subay kini sa mga interbyu sa senador sa DZMM ug CNN niadtong Hunyo sa pagduhig sa pangalan ni Paolo diha sa P6.4 Billion drug shipment ug pagtawag niini nga drug smuggler.
Sumala ni Madrid upat na ka kasong Libel ang atubangon ni Trillanes diin 3 kang Paolo Duterte ug usa gipasang-at usab ni Presidential son-in-law Atty. Manases Carpio.
RadyoMaN Aimee Gunita
