Davao City – Himas rehas na si Kharl Dexter Auditor, usa sa top executive sa Rigen Marketing human kini gi-aresto sa balay niini sa San Pablo, Laguna tungod sa pyramiding scam.
Matud sa National Bureau of Investigation (NBI) anaa sa kinatibuk-ang P8 bilyon ang nakolekta niini gikan sa mga investors diin mibiktima kini og liboan ka indibidwal dinhi sa Davao Region ug sa kasikbit nga mga probinsya.
Matud sa NBI, kasagaran sa mga nabiktima niini nagikan sa Tagum City, Davao del Norte, Davao del Sur, Davao Occidental, ug General Santos City.
Gikalipay usab sa mga biktima ang pagkasikop kang Auditor ug naglaum nga mauli pa ang ilang kwarta, diin gisaad sa kumpanya ang 400% nga interest sa ilang kwartang gi-invest.
Kahinumduman nga nahukmang guilty ang igsoon ni Kharl Dexter nga si King Paul Bryan Auditor, usa sa founder sa maong invest scheme niadtong Enero karong tuiga sa Regional Trial Court (RTC) Branch 2 sa Tagum City, Davao del Norte.
RadyoMaN Kirby Manzon
