Laing PDEA-7 agent gi-ambush patay sa Perrelos Carcar City

423

Laing opisyal sa Philippine Drug Enforcement Agency kon PDEA -7 ang gi-ambush sa National Highway sa Brgy. Perrelos Carcar City.
Ang biktima giila nga si PDEA-7 officer Von Rian Tecson .
Si Tecson luwan sa iyang Ford Ranger nga sakyanan nga ginamiho sa iyang driver nga nailhan sa ngalang “Amay” sa dihang gibanhigan sa mga mamumuno nga sakay og Toyota Fortunner.
Ang driver nga si Amay samdan sa iyang paa ug gidala sa labing duol nga ospital.
Matud pa sa nakasaksi nga nakabawos pa si Tecson nga naglingkod sa front passenger seat sa dihang gipamusil.
Giingong samdan usab ang usa sa mga gunmen hinungdan nga ang mga mamumuno daling mibiya palayo sa lugar.
Na recover sa crime scene ang mga bala sa M16 rifle ug caliber 45.
Subay niini mimando karon ang hepe sa Cebu Provincial Police Office sa Carcar City PNP pag ila sa mga suspek sa pag ambush patay ni PDEA7 Officer Von Rian Tecson sa Perelos Carcar karong hapon lakip na ang posibling motibo sa pag banhig sa biktima.

Matod ni Sr. Supt. Manuel Abrugena hepe aa CPPO nga sa pagkakaron nagpadayon pa sa ilang imbestigasyon ang kapulisan sa Carcar lakip na ang pagkuhag impormasyon gikan sa posibling saksi sa krimen.


Facebook Comments