Gisusi karon sa Task Force Ungab ang presensiya sa usa ka lalaki sud sa korte ug naobserbahan nga nagsunod-sunod ni Atty. Jonnah John Ungab sa wa pa mahitabo ang pag-ambush ug pagpatay sa abogado.
Ang maong lalaki yanong nakasud sa Branch 22 sa Regional Trial Court .
Kung masuta nila kini nga may kalabutan sa krimen , maisip kini nga ikaduhang spotter tungod kay lahi usab kini sa unang nakita sa kapolisan sa CCTV footage nga diha sa gawas sa korte nagsunod-sunod ni Ungab dayong biya niini sa Qimonda I.T. Center .
Subay ning bag-ong kalambuan sa imbistigasyon sa Task Force Ungab ,giduaw usab ni Konsehal Dave Tumulak ang Homicide Section sa kapolisan aron magpakisayod sa imbistigasyon sa pagpatay ni Ungab.
Gipasalig ni Tumulak nga padayong gimonitor sa Cebu City Hall ang kalambuan sa imbistigasyon sa krimen.
