Laing tigpayuhot sa illegal nga druga na usab ang nasikop sa kapolisan sa Balingoan Police Station, atol sa ilang gihimong buy bust operation sa Brgy. Bauk-bauk, Balingoan, Mis. Or.
Naila ang suspek nga si Joseph Maldepena, 35 anyos nga taga-Lapinig, Balingoan sa maong lungsod, nga usa ka Tokhang surenderees.
Nasayran nga nasapon sa akto ang suspek human kini napalitan sa nagpatuong decoy sa kapolisan, hinungdang nakuhaan kini sa usa ka sachet sa shabu apan nakabantay kini sa mga polis, busa dali kining misibat sakay sa iyang tricab.
Nasapon ra gihapon ang suspek human kini ma-flagged down sa kapolisan sa Balingoan PNP, nga mihimog checkpoint sa national highway sa Brgy. Lapinig sa maong lungsod.
Tungod niini, dugang nakuha gikan kang Maldepena ang pito sa rectangular nga sachet sa shabu, duha ka Samsung nga celfone, kwarta nga nagbalor sa kapin kinse mil pesos ug ubang butang.
Sa karon detinado ang suspek sa mini-cell sa P-DEA Reg. 10, kinsa nag-atubang sa kasong pagsupak sa Republic Act 9165.
By; Radyoman Aiza Enloran and Ellah Baculio
