Atol sa pagpahigayon ug Lakad Tokhang dinhi sa atong dakbayan sa Dipolog gipahigayon usab kini sa nagkadaiyang kalungsuran sakop ning atong probinsya sa Zamboanga del norte.
Sa lungsod sa Labason gisalmutan kini sa kapulisan sa maong lungsod ug mga NUP sa pagpanguna sa ilang hepe nga si Labason, OIC, PCINSP ROLDAN C. MOLATE uban sa local government sa maong lungsod sa pagpangulo ni Mayor Eddie Quimbo, Municipal Local Government Operations Officer Hon Liza Josue-LIGA President, taga Bureau of Fire Protection, BADAC Member, mga brgy. Official, ug mga pribadong indibidwal.
Nagpahigayon usab sila ug Unity Walk, Awareness drive, Open Forum ug daghanan pa nga mga aktibidad.
Sa lungsod sa kalawit, misang-at usab ug mga tarpulin nga adunay nakasulat nga LAKAD tokhang sa mga pampublikong lugar.
Samtang sa dakbayan sa Dapitan, gipahigayon usab ang susamang kalihukan,nagsugod ang ilang LAKAD Tokhang gikan sa Dapitan City Plaza padulong sa brgy. Bagting covered court.
Gisalmutan usab kini BADAC Team, mga drug surrendere’s gikan sa brgy. Polo, Talisay, Linabo, Cawa-Cawa, Bagting, Sta.Cruz, Dawo, Banonong, Potol, Police Auxiliaries, City Health Office employees, PDEA ug mga sibilyan.
Daghan pang mga lungsod dinhi sa atong probinsya ang mipahigayon sa susamang kalihukan
Tumong niini aron masayran sa katawhan ang dili maayong epekto sa droga, gi awhag usab ang katawhan nga motabang sa pakigbatok sa droga alayon sa kampanya batok droga.
