BACOLOD CITY – Ginpatigayon subong nga hapon sang Bacolod City Police Office ang LAKAD TOKHANG – Lipunin at Kalampagin ang Druga.
Las 2 kaina sang hapon nag-umpisa sa Bacolod City Public Plaza ang parada padulong naman sa Provincial Capitol Lagoon.
Ini ang may kaangtanan gihapon sa endeavor sang kapulisan angut sa pagpakig-away sa illegal nga druga kag paghatag awareness sa pumuluyo nga padayon ang kampanya sang pulis agud pakigbatuan ang ini nga sahi sang bisyo sa sosyodad.
Sa pihak nga bahin, natalana naman nga magabisita sa probinsya sang Negros Occidental ang Regional Director sang Police Regional Office 6, Police C/Supt. Hawthorne Binag.
Si Binag ang maga-abot sa Lunes, Pebrero 26 kag magatambong ini siya sa patigayunon nga joint flag raising ceremony sang Bacolod City Police Office kag Negros Occidental Police Provincial Office sa parade ground sang BCPO./dyHB BACOLOD
