Malampuson nga napahigayon ang Lipulin At Kalampagin Ang Droga ( LAKAD tokhang ) niadtong adlawng Sabado dinhi sa atong dakbayan sa Dipolog, probinsya sa Zamboanga del norte.
Alayon kini sa paglusad pagbalik sa oplan tokhang aron sa pakigbatok sa droga dili alng dinhi sa atong probinsya kun dili lukop sa tibuok nasud sa Pilipinas.
Ang maong aktibidad dungan kini nga gihimo sa matag rehiyon sa tibuok nasud.
Mahinungdanon kini nga kalihukan aron sa ingon nga mapakita sa kadaghanan nga hugtanon ang kampanya sa atong gobyerno sa pakigbatok sa guinadiling droga tungod sa dili maayong epekto niini sa tawo nga mag gamitan.
Pinangulohan kini sa atong OIC Provincial Director Raul M. Tacaca uban sa iyang sakop Zamboanga del norte Provincial Police Office.
Mitambong usab ang kapulisan sa atong dakbayan sa pagpangunan ni Dipolog City Chief of Police Darwin Sac Rafer, sakop sa Bureau of Fire Protection, Private sector, local Media, u gang amahan sa atong dakbayan sa Dipolog nga si Mayor Darel Dexter Uy ug pipila ka indibidwal gikan sa atong gobyerno.
Ang matag indibidwal adunay nagkadaiyang mga placards nga gibitbit nga may nakasulat “We Support Tokhang kontra Droga, “Join the PNP fight drugs and save lives” ug daghanan pa nga nakasulat.
Sa nahimong mensahe ni PSSUPT Raul M. Tacaca. Gipasalamatan niya ang mga katawhan nga miuban sa LAKAD Tokhang isip pagpakita sa suporta sa pakigbatok sa droga.
Giangkon usab sa director nga dili gayud nila kaya ang pakigbatok sa droga, hinungdan nga nanginanglan sila ug suporta gikan sa barangay ug lokal nga pang gamhanan ug sa uban pang ahensya sa gobyerno sama sa PDEA nga magkahi-usa.
Kay kung naay paghi-usa adunay kusog, ug matag indibidwal adunay responsibilidad dili lang kay ang PNP o mga Law enforcement Agency kun dili tanan.
Naghangyo usab si Tacaca nga magtinabangay aron makab-ot nga mamahimong drug free ang Zamboanga del norte ug iyang gipaniguro nga buhaton nila ang tanang pagpaningkamot pinaagi sa pagtutok sa anti illegal drug activities lakip na ang internal cleansing*.*
