Pagadian City, Zamboanga del Sur – Nagmalampuson ang nationwide simultaneous nga LAKAD Tokhang sa tibook Zamboanga Peninsula nga gipahigayon niadtong adlaw nga sabado.
Ang maong aktibidad isip pagsuporta sa anti-illegal drug campaign ni Presidente Rodrigo Duterte nga mas nailang “Lakad o (Lipulin at Kalampaging ang Droga).
Si Chief Superintendent Billy Beltran, ang direktor sa PRO-Zamboanga Peninsula miingon nga tumong sa Lakad Tokhang ang pagpalapnag sa bati nga epekto sa illegal nga druga og pag-agda sa katawhan nga aktibong mosuporta sa national campaign batok illegal drugs.
Ang 26 ka Municipal Police Station sa tibook probinsya sa Zamboanag del Sur ang nilusad usab susamang kalihukan diin nibaktas sa kadalanan ang mga sakop sakapulisan, Philippine Drug Enforcement Agency, Barangay Anti-Drug Abuse Council, mga estudyante ug non-government organizations lakip ang mga drug personalities nga nitahan.
Susamang aktibidad usab ang gihimo sa syudad sa Pagadian.
Picture Courtesy to PNP Molave
