Davao City – Kalapasan sa Republic Act 9165 kun Comprehensive Dangerous Drugs Act of 2002 ug Illegal possession of Fire Arms and Ammunition, ang kasong ipasaka sa suspetsado nga si Joel Luvendino Atup, alyas Jumong, 23 anyos, laborer ug nagpuyo sa San Vicente Brgy. Leon Garcia Agdao, dakbayan sa Davao.
Subay sa blotter sa Sta. Ana PNP, alas 12:30 sa hapon samtang gilusad ang operasyon sa kapulisan alang sa pagsikop sa suspect sa kawat nga si Joselito Vargas, alyas Yoyong, naaktuhan sa kapolisan sa balay ni Vargas si Jumong nga dunay ‘improvised hand gun’ kun sumpak nga gibutang sa iyang kilid hinungdang gidakop.
Na-recover sa maong suspek ang sumpak ug bala sa .38 kalibreng revolver ug duha ka sachet nga gituohan shabu.
Karong adlawa ipasaka ang kaso batok kang Jumong.
RadyoMaN Don Pulayao
