Davao City – Luyo sa wala’g tuo nga mga reklamo bahin sa ayuda sa brgy. gumikan niining COVID-19 crisis, dunay pipila ka mga residente ang mapasalamaton man usab sa kaabtik sa ilang brgy. Officials sa pagtunol sa mga hinabang.
Usa sa mga nakadayeg sa lakang sa gobyerno mao ang dabawenya nga si Pemartin S. Quiñal, 25 anyos, nga taga Brgy 11-B, Davao City, atol sa interview sa DXDC RMN Davao, giingon niini nga sukad niadtong gipatuman ang community quarantine sa syudad, miabot na sa lima ka higayon nga nanghatag og ayuda ang nasangpit nga barangay.
“1st one gikan sa City Gov’t, pakapin gikan sa brgy. Ikaduha sa ilang rasyon para sa borders nga walay ration cards, ikatulo mao ang gikan sa bulsa sa brgy. para sa tanang pamilya nga nagpuyo sa 11-B, ang ikaupat gikan sa ikaduhang ayuda sa gobyerno para sa mga naay ration cards, ikalima kagahapon para sa mga renters… Nahulog og ingon ana (kada semana naay madawat),” segun ni Quiñal.
Mapasalamaton usab kini sa ilang kapitan nga si Martina Fe Kapitan Arabiana sa pagkamaabtikon niini uban sa brgy. officials.
“Makaingon ko nga satisfied ko sa nahatag sa brgy sa among panimalay ug community, makita namo sa uban nga wala sa ilaha, makaingon ko nga pasalamat ko nga ang kapitan abtik mulihok, wala mi gipasagdan,” dugang ni Quiñal.
RadyoMaN Renz Barbarona
