CAUAYAN CITY – TINIYAK NG DEPARTMENT OF PUBLIC WORKS AND HIGHWAYS (DPWH) REGION II ANG KAHANDAAN NG KANILANG MGA “LAKBAY-ALALAY” TEAMS UPANG TUMULONG SA MGA MOTORISTA NGAYONG PAGGUNITA NG UNDAS 2025.
SINIMULAN KAHAPON OKTUBRE 31, 2025 SA GANAP NA ALAS-8 NG UMAGA ANG OPERASYON NG PROGRAMA SA MGA PILING LUGAR SA REHIYON, AT MAGPAPATULOY ITO HANGGANG NOBYEMBRE 2, 2025, ALAS-5 NG HAPON.
BINUBUO NG MGA UNIPORMADONG KAWANI AT MAINTENANCE CREW NA MAY KASANGKAPANG HANDANG GAMITIN, ANG MGA LAKBAY-ALALAY TEAMS AY NAKATALAGA SA 24-ORAS NA DUTY UPANG MAGBIGAY NG AGARANG TULONG SA MGA BIYAHERO SA PANAHON NG UNDAS.
LAYUNIN NG INISYATIBONG ITO NA MATIYAK ANG KALIGTASAN AT KAGINHAWAAN NG PUBLIKO HABANG SILA AY BUMIBISITA SA MGA SEMENTERYO AT BUMIBIYAHE SA IBA’T IBANG PANIG NG REHIYON.
