Nakabara sa dagan sa trapiko sa downtown area ang unang adlaw sa gitawag ug Lakbayan ng Visayas 2017 sa mga mag uuma ug mga mananagat gikan sa kabisay-an nga nia karon sa dakbayan sa Sugbu .
Ang upat ka adlaw nilang kalihukan gibuksan pinaagi sa “salubungan” diin ang mga delegado sa lakbayan gikan sa lain-laing assembly area nag-abot sa dalan P . Del Rosario ning syudad ug nag-uban na sila sa pagmartsa paingon sa Plaza Independencia alang sa ilang kampohan.
Gatusan ka mga mananagat ug mag-uuma nga sakop sa Kilusang Magbubukid ng Pilipinas gikan sa Negros , Bohol ug Sugbu nisalmot sa Lakbayan apil na ang mga sakop sa Unyon ng Manggagawa sa Agrikultura , National Federation of Sugar Workers ug ubang cause oriented groups .
Lakip sa gipadangat nila nga mga isyu mao ang kalisod sa panginabuhian sa mga sugar workers , demanda alang sa libring irigasyon , reporma sa yuta , ug hustisya sa walo ka mga labor ug peasant leaders sa Guihulngan , Negros Oriental .
