Tboli, South Cotabato—Temporaryo unang gisara sa publiko ang usa sa mga sikat nga tourist attraction dili lang sa T’boli, South Cotabato kon dili apil na sa SOCKSARGEN Area nga Lake Holon. Nagsugod ang temporaryong pagsara sa Lake Holon kagahapong adlawa, adlawng Lunes ug takda kining ablihan karong umaabot nga Marso 14, 2020.
Nasayran nga matag tuig nagapatuman ang pamunuan sa lake Holon ug temporaryong pagsara sa mga torista aron nga mahatagan ug dalan ang recovery ug rehabilitation sa lugar.
Samtang ilawom sa temporary closure, ipailawom usab sa refresher course ang mga frontline personnel sa Holon samtang magpahigayon usab ug biodiversity assessment sa lugar.
Facebook Comments
