General Santos City–Duha sikop sa gipahigayong buy-bust operation sa hiniusang pwersa sa Tambler Police Station sa pagpanguna Police Major, Basher Alindo labaw sa maong buhatan ingon man sa mga personahi sa PDEA 12 ang usa ka lakin-on nga naila sa pangalang Mirasol Tesaluna, 26 anyos, tigdumala sa bar, residente sa may 4th Road Barangay Calumpang ingon man ang usa ka guest relation officer nga si Alias Shiela Mae, 22 anyos, stay-in sa bar nga anaa nahimutang sa may 2nd Road, sa susamang Barangay lumad nga taga Malapatan Sarangani, Province.
Kahibaluan nga bandang alas 11:00 sa gabie una nang gikasa ang maong operasyon sa may 2nd Road sa nahisgutang barangay kung asa nakuhaan tag-usa ka sachet sa gikatahapang shabu ingon man marked money nga tag 500.00 ang matag usa ka suspek apan hugot kining gipanghimakak sa mga dinakpan.
Sa gihimong pakighinabi sa sa Exclusive interview sa DXMD- RMN Gensan News team kang Police Major Alindo gibutyag niini nga nagsurface matud pa si Tesaluna apan basi sa ilang monitoring subli kining mibalik samtang ang GRO nga si Sheila, notado matud pa kining nalambigit sa ginadiling droga sa Davao City apan mibalhin dinhi sa dakbayan ug mipadayon sa iyang illegal nga transaction. (Ray Sabillo)
