Davao City- Wala na’y plano musang-at og kaso ang lalake batok sa iyang kapuyo nga mikulata ug mibun-og kaniya.
Matud ni alyas Joey, 29 anyos, printing press cutter, ug nagpuyo sa Sasa nga nagpatigbabaw pa gihapon ang iyang dakong gugma sa iyang kapuyo nga si alyas Lovely luyo sa gihimong pagpangdagmal ngadto kaniya.
Dili matud pa makaako si alyas Joey nga mag-antos sa prisohan si Lovely tungod sa sobrang paghigugma niya hinungdan nga gibakwi niini ang pagpasaka og kasong physical injury batok sa maong kapuyo.
Migawas sa imbestigasyon nga nakahimo sa pagdapat si alyas Lovely kang alyas Joey human nga gigamayan ra kini sa sweldo nga gitahan sa biktima.
Gipangguba ug gipangbuak pa sa suspek ang mga gamit sa ilang panimay nga nahitabo 8:00 sa gabii.
RadyoMaN Joel Viray
