Lalake kritikal human dunggaba gawas sa bar house

69

Davao City – Padayon pang gawasnon ang duha ka suspek sa pagpangluba sa usa ka lalake human nakasibat ayha paman nakaabot ang kapulisan sa bar house kung asa natigayon ang krimen 12:40 kagabii.

Ug tungod ani, gipangita na karon sa mga otoridad ang duha nga giilang sila John Paul Macasaet Simpal ug Armand Macasaet Bajado pulos hamtong ang edad ug nanimuyo sa barangay 3 ning siyudad.

Ang duha positibong gitudlo sa mga testigo nga sila Simeon Go, Jason Samson, ug Muhammad Alfad nga maoy nagdunggab kang Karlo Oamil, 24 anyos, ug nagpuyo sa Country Ville, Barangay Cabantian ning siyudad.

Sa imbestigasyon, migawas matud pa ang biktima sa bar may dalang Palma Gil dihang giduol sa mga suspek ug gidunggab sa nagkadaiyang parte sa kalawasan.

Ang mga suspek abtik naka-iktad busa daling gidala sa balay tambalanan ang biktima nga anaa sa kritikal nga kondisyon sa karon subay sa deklarasyon ni Dr.Hirmino Villaano tungod sa mga samad nga nahiagoman niini.

Wala pa masuta ang hinungdan sa mao nga panghitabo.

RadyoMaN Joel Viray

Facebook Comments