Lalake nasikop sa illegal nga sabong

28

Malampusong nasikop sa operasyong gipahigayon sa mga kapulisan ang usa ka lalaki sa illegal nga sabong adtong milabayng Sabado didto sa Purok 13, Brgy. Damilag, Manolo Fortich, Bukidnon.

Giila ang nasikop nga si Jay Espejo, 50 anyos, minyo ug mulopyo sa Purok Mercado, Brgy. Agusan Canyon, Manolo Fortich, Bukidnon.


Sumala sa taho sa kapulisan, nakadawat silag report mahitungod sa operasyon sa illegal nga sabong sa maong dapit maong dali-dali dayon nila kining gioperasyon, apan pag-abot sa maong area, nakaikyas ang kadaghanan sa mga sugarol ug nabilin nalang ang maong nadakpan.

Narekober sa maong ang upat ka tari kon bulang, lima ka manok pansabong, upat ka bayong ug kwartang gisugal nga mukabat sa P350.00.

Gidala na sa Manolo Fortich Municipal Police station ang dinakpan ug mga nakompiskang ebidensya alang sa tokmang disposasyon.

Facebook Comments