Lalakeng wanted, arestado sa El Salvador City

26

Arestado ang 24 anyos nga lalake kinsa wanted sa kasong traffic violation alas 10 sa buntag gahapong adlawa sa Zone 2, Poblacion, El Salvador City, Misamis Oriental.

 

Kini pinaagi sa warrant of arrest nga gi-serve sa El Salvador MPS nga giunhan ni Police Lt. Col. Randy Anito, ang hepe sa maong buhatan.


 

Atol sa maong pag-serve, naaresto si Romel Galang, minyo nga taga zone 2, Taytay El Salvador City.

 

Ang kasong giatubang ni Galang dunay criminal case no. M18-06-1535 nga giisyu ni Hon. Eleuteria Badoles-Algohon, ang presiding judge sa MTCC 10th judicial region, branch 2 ning siyudad sa Cagayan de Oro.

 

Suspek daling gidala sa El Salvador Police station aron maandam ang dugang pang mga gikinahanglang dokumento.

Facebook Comments

From Advertisers