iFM Laoag – Rimwar ti bagis ti maysa a lalaki kalpasan a naaksidente iti Barangay Puritac iti ili ti Pinili, Ilocos Norte.
Nabigbig detoy a ni Alex Grande Tolentino , naasawaan , agtawen uppat a pulo keet dua , driver ti truck ken residente iti Barangay San Marcelino iti ili ti Dingras.
Basar ti imbestogasyon dagiti otoridad, inparking ni grande ti inturong na nga dump truck idin ta nadlaw na a nagpasango , kinamat na ti dump truck tapnu ipreno na ngem naipit iti nagtengngaan iti inturong na a dump truck ken iti maysa pay a dump truck a nakaparking metlaeng iti nasao a lugar.
Gapu iti daytoy a napasamak , nagsagaba ni Tolentino ti nakana a sugat iti buksit na ken ditoyen a rimwar ti bagis na.
Iti daytoy , naitaray insigida iti pribado nga ospital iti nadakamat nga ili ngem naiyakar metlaeng iti Mariano Marcos Memorial Hospital and Medical Center iti siudad ti Batac. (Abcede Castro, RMN News)
