Lalaki aksidente natiruhan ang iya kaugalingon

72

TALISAY CITY, NEGROS OCCIDENTAL – Nagapahuway huway karon sa ospital kag hilway na sa katalagman ang isa ka lalaki matapos nga aksidente niya nga natiruhan ang iya kaugalingon.

Nakilala ang biktima sang accidental firing nga natabo pasado las 6 kagab-i nga amo si Leogivido Joylo, 50 anyos ang edad, pumuluyo sang Brgy. Concepcion, Talisay City.

Base sa pagpangusisa sang police nahibaluan nga ginakuti ni Joylo ang iya pusil sang ini ang hinali na lamang nga naglupok kag naigo siya sa batiis.


Sa pihak nga bahin, nag-angkon naman sang igo sang tiro sa iya ulo kag wala nga guya ang biktima nga si Jose Gallera, 52 anyos ang edad sang Brgy. Anahaw, banwa sang Hinigaran.

Suno sa pulis, nag-angkon sang paglinalisay sa tunga sang biktima kag sang iya bayaw gani hinali na lamang ini siya nga gintiro.

Facebook Comments