Lalaki, arestado matapos ginpaidalum sa buy bust operation sang kapulisan sa banwa sang Pavia.

Arestado ang isa ka durugista matapos ginpaidalum sa buy bust operation sang mga katapo sang Pavia PNP alas 9 pasado kagab-i (Mayo 30).
Ginkilala ang subject nga si Walter Escoyana, 36 anyos sang Barangay Pandac, Pavia, Iloilo.
Suno kay Police Major Fernand Limbungan, hepe sang Pavia PNP, ginhiwat nila ang buy bust operation alas 9:30 kagab-i sa barangay Hibao-an , Pavia kon sa diin nabaklan ang suspek sang isa ka sachet sang suspected shabu sa balor nga isa ka libo ka pesos.
Nakuha man sa suspek ang dugang nga anum ka sachet sang shabu kag karon napriso na sa Pavia Police Station kag magapangatubang sang nagakaigo nga kaso.