Arestado ang isang lalaki matapos magnakaw ng manok na panabong ng kanyang kapitbahay sa Calasiao noong Pebrero 16.
Batay sa ulat ng pulisya, napansin ng biktima bandang alas-sais ng umaga na nawawala ang isa sa kanyang manok na panabong na nakatali sa tabi ng bahay.
Napansin din niyang tinanggal ang lubid na nagkakabit sa manok.
Pinagsikapan ng biktima at ng kanyang mga kasama na hanapin ang nawawalang manok at sa kalaunan ay narekober ito mula sa isang testigo sa pampublikong pamilihan sa Calasiao.
Ayon sa testigo, ibinenta umano sa kanya ang manok ng suspek nang hindi niya alam na ito ay ninakaw.
Matapos matuklasan ang pangyayari, agad nagsagawa ng follow-up operation ang mga tauhan ng Calasiao Municipal Police Station kasama ang biktima at testigo, na nauwi sa pagkakaaresto sa suspek na kapitbahay rin ng biktima.
Dinala ang suspek kasama ang narekober na ebidensya sa Calasiao MPS para sa karampatang proseso. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
