Arestado ang isang lalaki matapos magnakaw sa loob ng bus sa Pasay City.
Kwento ng isang pulis, habang siya’y nasa bus naaktuhan niya ang suspek na si Leonardo Calamaya na nilalaslas ang bulsa ng isang pasahero.
Narekober sa suspek ang isang maliit na blade na ginagamit nito sa pagnanakaw.
Bukod dito, nabawi rin ang isang wallet na naglalaman ng iba’t-ibang id na posibleng pag-aari ng kanyang mga nabibiktima.
Batay sa imbestigasyon, miyembro ng ‘Sigue-Sigue’ commando gang ang suspek na notoryus sa pagnanakaw at panghoholdap.
Nahaharap ang salarin sa kasong theft.
Facebook Comments
