Davao City – Gisikop sa kapulisan sa San Pedro PNP ang usa ka 34 anyos nga lalaki human nakuhaan og pistola alas 3:55 sa kadlawon sa CM Recto corner Roxas Avenue ning dakbayan.
Subay sa report sa San Pedro PNP, ang dinakpan mao si Ian Rey Torres, residente sa Purok 11 Tagnanan Mabini Compostella, Davao Del Norte.
Matud sa kapulisan, nagcheck-in ang suspek sa Marco Polo Hotel ug sa dihang pag-inspeksyon nadiskobrehan sa usa ka guwardiya nga adunay sulod nga .25 calibre pistol sa gamay nga bag lakip ang magazine ug pito ka bala nga walay dokumento ug gilayon nangayo og police assistance ang security.
Ang dinakpan balhog na sa San Pedro PNP ug mag-atubang og kasong kalapasan sa Republic Act 8294 kun Illegal Possession of Fire Arms and Ammunition.
RadyoMaN Don Pulayao
