Davao City – Nasikop sa mga pulis sa Sta. Ana PNP ang usa ka lalaki nga adunay kaso human gisilbi ang warrant of arrest kauban ang pwersa sa Criminal Investigation and Detection Group (CIDG) alas 8:30 sa buntag kagahapon sa iyang panimalay sa Barangay Thomas Monteverde sa dakbayan sa Davao
Ang dinakpan naila nga si James Ivan Silva, hingkod ang edad, residenti sa maong lugar.
Matud pa adunay kasong robbery nga gi-isyu ni Presiding Judge Milenda Dayanghirang sa Regional Trial Court Branch 54 sa 11th Judicial Region.
Ang dinakpan balhog na sa selda sa Sta. Ana PNP.
Sa pikas bahin, na-file na sa korte ang kasong kalapasan sa Republic Act 9165 kun Comprehensive Dangerous Drugs Act of 2002 batok sa suspek nga gi-ila sa pangalang Jester Maxell Cadano, 18 anyos, residenti sa Sta. Lucia Brgy. Centro Agdao sa dakbayan sa Davao.
Kahinumdoman nga ang suspek nakuhaan og pinaugang dahon sa mariwana nga gilabay sa yuta niadtong milabayng adlaw didto sa nasampit lugar samtang hingpit na nafile ang kaso ngadto sa korte kagahapong adlawa.
RadyoMaN Don Pulayao
