Davao City- Mireklamo sa Talomo Police Precinct ang usa ka menor de edad nga babaye kay gi-molestya kini sa usa ka lalake sa Barangay Dumoy Talomo District alas tres pasado sa kaadlawon.
Daling miresponde ang kapulisan nga miresulta sa pagkasikop sa suspek nga mao si Diosdado Dela Cruz 35 anyos taga Barangay Dumoy ug dayong gibalhog sa selda sa Talomo PNP.
Nasayran nga gi-finger sa suspek ang menor de edad hinungdan nga mikisikisi ug misyagit kini dayon misumbong sa iyang mga ginikanan nga maoy mitaho sa kapulisan.
Depensa usab sa suspek atol sa live interview sa Unang Radyo Unang Balita sa DXDC RMN Davao, pito na ka bulan silang dunay relasyon sa biktima ug walay molestya nga nahitabo.
Namatikdan sa mga pulis nga lango sa makahubog nga ilimnon ang suspetsado.
Kasamang Erin Lumosbog
