Lalaki dakop sa buybust nakuhaan sang isa bulto sang shabu

BACOLOD CITY – Dakup sa ginpatigayon nga buybust operation ang isa ka lalaki sini gid lamang nga aga sa Brgy. Singcang Airport, Bacolod City.

Nakilala ang suspect nga si Mark John Cruz, legal ang edad kag residente sang Purok 6, Magsungay, Brgy. Singcang Airport, ciudad sang Bacolod.

Agn buybust ginpatigayon sang Police Station 8 may mga las 11 kaina sang aga sa puluy-an sang suspek.


Suno sa hepe sang PS8 nga si Police C/Insp. Charles Gever nakuha sa possession sang suspek ang isa ka daku nga bulto sang suspected shabu, buybust item lakip na ang P200 pesos nga marked money subong man ang isa pa gid ka sachet sang gina-suspetsuhan nga shabu.

Sa karon detained na sa custodial facility sang Police Station 8 ang suspek kag ginapreparar ang kaso nga igapasaka batuk sa iya./dyHB BACOLOD

Facebook Comments