Davao City – Laing drug suspect nadakpan sa kapulisan sa Talomo dihang gilusad sa mga operatiba niini ang buy bust operation sa Tagum City.
Ang dinakpan giila nga usaka Arturo Cangke Varquez, Jr. 29 anyos nga taga-Purok Maurillo, Sitio Mangga, Zone 4, Visayan Village sa Tagum.
Naabtan sa mga awtoridad nga gibaligyaan sa suspetsado ang usa ka poseur buyer nga sakop sa kapulisan sa usaka sachet sa illegal nga droga nagkantidad og P1,000.
Nakuha gikan sa dinakpan ang laing unom ka mga sachet sa gitoohang shabu diin lakip usab nga nakuha ang mga non-drug items sama sa cellphone nga gamit sa dinakpan.
Mototal sa P14,000 ‘street value’ ang drogang nakuha sa gikan sa dinakpan.
Balhug na sa Talomo PNP ang dinakpan ug mag-atubang kini ug kasong paglapas sa RA 9165.
RadyoMaN Paul Canono
