Dakpan pinaagi sa joint buy bust operation sa kapulisan sa presento 3, ingon man sa city drug enforcement unit ug PDEA 10 Camiguin teamĀ ang usa ka lalaki nga tigpayuhot sa ginadili nga droga ala una y medya ang takna sa hapon kagahapong adlawa.
Suspetsado motubag sa pangalang Roland Jabla alyas Andot, 44 anyos minyo walay trabaho ug residente sa Purok Orchids, barangay San Roque ning dakbayan sa Iligan.
Ang suspetsado napalitan sa usa ka poseur buyer ug usa ka gamayng sachet sa gituoihang shabu, nga motimbang ug 0.4 grams ug dunay market value nga 500 pesos.
Nakuha usab sa possession sa suspek ang 45 ka sachet sa gituohang shabu, nga gibana banang motimbag ug 5 gramos, ug dunay market value nga 30,000 pesos.
Nakuha usab ang 500 peso bill nga buy bust money, usa ka calibre 45 nga pistola,usa ka magazine sa .45 nga pistola, 3 ka bala sa .45 ug usa ka timbangan.
Paglapas sa R 9165 og RA 10591 ang atubangon nga kasoĀ sa suspek kinsa gibalhog karon sa maong police station.
