Davao City – Arestado ang usa ka lalaki alas-4:20 sa hapon niadtong Biyernes, Agosto 24, atol sa gilusad nga buy-bust operation nahitabo sa Purok 1-A, Barangay San Miguel, Tagum City, Davao del Norte.
Balhog sa detention sa Philippine Drug Enforcement Agency Regional Office XI si Omar Diama, 34-anyos, residente sa maong lugar.
Malamposong napalitan og iligal nga droga si Diama diin nakuhaan usab kini og nagkantidad sa P12,000 nga gituohang shabu ingon man pagka rekober sa buy-bust money ug boodle money.
Sa karon ginahikay na ang kasong kalapasan sa Section 5 kun Sale of Dangerous Drugs, Article II sa Republic Act 9165 kun Comprehensive Dangerous Drugs Act of 2002 batok sa suspek.
RadyoMaN Jason Amisola
Facebook Comments
