LAMBAYONG, SULTAN KUDARAT-GIDAKOP ang usa ka lalaki human gihimo ang usa ka ronda sa kapulisan sa Purok Mupak, Barangay Tambak, Lambayong, Sultan Kudarat buntag sa Hulyo 24.
Giila ang lalaki nga si Roy Guimal Mupak, residente sa maong dapit.
Nakuha sa sling bag ni Mupak ang us aka Calibre 38 nga pusil, bala ug granada.
Samtang usa ka rifle granade, usa ka cal. 9mm nga improvised machine pistol nga adunay unom ka bala nga nakuha sa lugar.
Sumala ni PCSupt. Marcelo Morales, Regional Director sa Police Regional Office (PRO)-12 padayon ang ilang kampanya batok sa krimen aron dunay kahupayan ug hilom nga pagpuyo ang mga residente sa SOCCSKSARGEN.
Gipasaligan usab niini ang dugang nga pag-aresto tungod sa ilang mga intelligence information.(Jica Rose Parok MSU-Intern)
