CAUAYAN CITY – PATAY ANG ISANG LALAKI MATAPOS BUMANGGA SA ISANG NAKAPARADANG TRAK SA P-6, BRGY. RANIAG, RAMON, NITONG MARTES, DECEMBER 16, 2025.
KINILALA ANG BIKTIMA NA SI FRANKLIN GUIANG CABBAT NA RESIDENTE NG PUROK 2, BUGALLON NORTE, RAMON, ISABELA HABANG ANG DRIVER NAMAN NG TRAILER TRUCK AY SI EDUARDO CABACCAN NA RESIDENTE NG PUROK 1, SAN FERMIN CAUAYAN CITY, ISABELA.
SA PANAYAM NG IFM NEWS TEAM KAY EDUARDO CABACCAN, PABALIK NA SANA SILA SA ALICIA, ISABELA GALING PAMPANGA KASAMA ANG KANYANG ASAWA AT ANG KANYANG DALAWANG ANAK.
ANIYA, NASA LOOB SILA NG TRUCK NANG MANGYARI ANG INSIDENTE DAHIL UMUULAN AT INAAYOS ANG FUEL LINE NG TRUCK.
AYON NAMAN SA INISYAL NA IMBESTIGASYON NG RAMON MUNICIPAL POLICE STATION, NAKAPARADA SA SHOULDER LANE NG SANTIAGO-TUGUEGARAO ROAD ANG ISUZU TRUCK.
HABANG PATUNGO SA RAMON TOWN PROPER, HINDI NAPANSIN NG HONDA CLICK ANG TRAK DAHIL WALA UMANONG NAKALAGAY NA EARLY WARNING DEVICE.
DAHIL DITO, BUMANGGA ANG MOTORSIKLO SA KALIWANG BAHAGI NG TRAK.
SA LAKAS NG IMPACT, NAGTAMO SI CABBAT NG HEAD INJURY KUNG SAAN AGAD SIYANG DINALA SA SOUTHERN ISABELA MEDICAL CENTER (SIMC) PARA SA AGARANG GAMUTAN, NGUNIT IDINEKLARA SIYANG DEAD ON ARRIVAL.
NAGKAROON DIN NG PINSALA ANG PAREHONG SASAKYAN, SUBALIT HINDI PA MATUKOY ANG HALAGA NG PAGKUKUMPUNI.
SAMANTALA, DINALA NA SA RAMON POLICE STATION ANG MGA SANGKOT NA SASAKYAN PARA SA WASTONG DISPOSISYON.
