Duha ka samad sa ulo ang naangkon sa biktima human kini gi atsa sa ulo sa usa ka 24 anyos nga lalaki didto sa may Purok 3A, Brgy. Langatian, lungsod sa Roxas sakop ning probinsya bandang 4:40PM niadtong miaging adlaw.
Ang biktima mao si John Alex Baguinat, 30 anyos, kinsa gitigbas kini ni Jobert Bacsayan Aljas, pulos kini sila nagpuyo sa nahisgutan nga barangay sa unahan. Ang maong person of interest gituohan kining adunay deperensya sa panghuna-huna ug armado kini sa atsa, sundang ug kutsilyo.
Human sa panghitabo dali nga gidala ang biktima sa balay tambalanan samtang ang mihimo sa maong salaod dali kining miikyas sa lugar nahitaboan padulong sa usa ka suok nga dapit.
Dali usab kini nga gi respondehan sa PNP Roxas, ug gihangyo nga motahan sa iyang kaugalingon apan nagmagahi kini hinungdan nga migamit sila ug fire truck para sprayhan ug tubig aron sa ingon madistract ang attention niini. Sa wala madugay mitahan ra usab kini human na igo sa bomba sa tubig.
Sa pag imbistiga ni PO1 Ambrocio A. Dano Jr. ngadto sa pamilya sa person of interest, gibutyag niini nga wala nila kini napatan-aw sa experto o napatambalan sa dakbayan sa Dapitan tungod kay wala silay sapi hinungdan nga nasuko matod pa kini si Jobert aljas.
Sa ulahi nga impormasyon nga nakuha niining inyong tigbalita migawas na kagahapong adlawa sa balay tambalanan ang biktima tungod kay igo lamang kini nasamad gamay ug nabun-og, wala kaayo kadulot ang atsa tungod usab sa kahabol.
Karong adlawa lauman nga mag atubang ang biktima ug pamilya ni Jobert para sa amicable settlement.
