Lalaki gibiyaan sa asawa nag wild

49

Davao City-Gipaagi sa pagwild aron mahuwasan sa gibati kasakit human gibiyaan ug giilisan sa laing lalaki ang usa ka bana sa iyang pinanggang asawa.

Ang bakal ug semento sa ilang panimay maoy gipahimungtan ug gidabodabohan og sukmag ni alyas Julio, 39 anyos,furniture worker nga taga-Zone 1, Km.13, Sasa ning syudad resulta sa pagkasamad sa duha niya ka mga kamot busa dali kining gitambalan sa mga personahe sa Central 911.

Dili makadawat si Julio nga siya biyaan ug ilisan og laing lalake sa iyang asawa nga si alyas Rowena,34 anyos. Sumala ni Julio nga daan na kini nagduda nga adunay gikabuangan nga laing lalake ang iyang asawa apan dihang iyang gikonpronta hugot nanglimod si Rowena tungod kay siya lamang kuno ang gihigugma niini mao nga nahanaw ra sab ang iyang katahap.

Nagsugod ang pagduda ni Julio ngadto sa iyang asawa dihang ang ilang mga silingan misugilon sa pagpasexy ni Rowena ug pila ka adlaw wala maka uli sa ilang balay samtang nagtrabaho kini sa laing lugar sulod sa pila adlaw.

Sa unang higayon wala nagpasulsol sa mga silingan si Julio apan dihang ang ilang anak na nagsaysay labot sa binuhatan ni Rowena ayha pa kini mitoo. Segun niini, Agosto 9, alas-5:00 sayo sa buntag dali milakaw ang iyang asawa ug nananghid nga adunay pakigkitaan apan wala mibutyag kung asa kini muadto. Miabot na lang ang alas-10:00 sa gabii wala pa gyod naka uli ang iyang misis ug dili na sab makontak ang iyang cellphone busa dako ang pagtoo niini nga hingpit na mikuyog sa laing lalaki ang iyang asawa.

Gipatala na ni Julio sa Sasa PNP ang sakit nga gibuhat ni Rowena ngadto kaniya.

Kasamang Joel Viray

Facebook Comments