Lalaki gibulagan sa uyab naghikog-patay

Davao City – Dead on arrival sa hospital ang usa ka 18 anyos nga lalaki sa Mati City, Davao Oriental human kini naghikog patay gamit ang pisi nga gihikot sa kahoy sa usa ka old warehouse.

Sa report sa Mati City Police Station, ang biktima mao si alyas Jake, residente sa Mati City.

Base sa inbestigasyon, matud sa igsoon ug manghud sa biktima nga si Roel nga alas 9:00 sa gabii niadtong Lunes (Marso 7, 2022) una sila nangatulog sa iyang kuya gi-share niini nga nagbulag na sila sa iyang uyab.

Alas 5:30 sa buntag kagahapon (Marso 8, 2022) sa dihang nakit-an na lamang sa usa ka namaligya og gulay nga wala nay kinabuhi nga nagbitay ang biktima sa nahitaboan.

Gilayong girespondehan sa awtoridad ang insidente apan gideklara nang dead on arrival ang biktima sa Davao de Oro Provincial Medical Center.

Kung aduna kay kaila o ikaw mismo anaa sa risgo sa suicide, available 24/7 ang hotlines nga maghatag og mental health crisis intervention.

Mamahimong ma-contact ang National Center for Mental Health pinaagi sa USAP Hopelines: 0917-899-8727 (USAP) 7989-8727 (USAP) Hopelines 0917-558-4673 0918-873-4673 8804-4673 2919 (toll-free for Globe and TM).

RadyoMaN Kirby Manzon