Davao City – Bun-og ug samad ang naangkon sa usa ka lalaki human gibunalan og botelya sa ilimnom nga nahitabo sa Brgy 23-C siyudad sa Davao alas 9:30 kagabii.
Sa report gikan Sta. Ana PNP, naila sa pangalan ang biktima nga si Christopher Balaod, 18 anyos ug residente sa nasangpit nga lugar samtang ang suspetsado naila sa pangalan nga si Ramsam Bontuyan Tee.
Sumala pa nga samtang nag-duty ang biktima, kalit lang kini giduol sa suspek ug dayon gibunalan og botelya hinungdan sa maayong pagkasamad sa agtang nga bahin.
Tungod sa nagkadugo na ang biktima, dali kining gitabang ug gidala sa Southern Philippines Medical Center aron matambalan.
Sa imbestigasyon Sta. Ana PNP, posibleng na-tripan lamang sa nahisgutang suspek ang biktima kinsa ang samaran nagpaalim na karon sa balay-tambalanan ug ginahulat og magpasaka og kaso batok sa suspek.
RadyoMaN Don Pulayao
