Davao City – Namatay sulod sa balay-tambalanan ang usa ka lalaki nga si Noel Gasto, biyudo, walay trabaho, residente sa may kanto Arellano ug dalang Mt. Apo ning siyudad, sa dihang gibunalan kini og bahi nga klase sa kahoy.
Sumala pa sa blotter sa San Pedro PNP nga alas 4:30 sa kadlawon sa Domingo kalit gibunalan og kahoy sa suspek nga naila nga si Lamberto Toting Jr., hamtong ang pangedaron, walay trabaho ug resident sa Malabog Paquibato District ning siyudad sa Davao.
Dali kuno misibat ang suspek apan gi-atangan kini sa mga nakasaksi nga mga tambay dayon gitabangan og kulata hinungdan nga naka angkon og bun-og sa kalawasan.
Gipangdala ang suspek sa Southern Philippines Medical Center (SPMC) samtang gidala usab sa Davao Doctors Hospital (DDH) ang biktima.
Gideklarang patay si Noel Gaston sa iyang attending physician tungod sa bun-og nga nahiaguman niini samtang naka posas nga gi-confine sa hospital si Lamberto Toting Jr. nga mao ang suspek.
RadyoMaN Paul Canono
