Davao City – Nakaangkon og samad dinunggaban sa kilid nga bahin sa lawas ang usa ka 22 anyos nga pintor human gidunggab pasado alas 2:00 sa hapon nahitabo sa may Trading Boulevard, Purok 6, Brgy 37-D siyudad sa Davao.
Sa report gikan sa San Pedro PNP, ang biktima nailang Isagane Pastoral samtang ang suspek mao si Harvey Español, hingkod ang edad, parehong residente sa nahisgutang lugar.
Sumala pa sa nakakita sa maong insidente nga si Mjay Cubero, nagtrabaho ang biktima sa boarding house ni Danilo ug kalit nagwild ang suspek ug mikuha og mahait nga kutsilyo dayon dunggab tumong sa lawas sa biktima.
Daling gidala ang biktima sa Southern Philippines Medical Center aron sa pagpatambal samtang ang suspek abtik nga nisibat.
Kapolisan sa San Pedro naglusad na og follow-up investigation aron nga madakpan ang suspek nga midunggab sa biktima.
RadyoMan Don Pulayao
