Padayon pa karon nga nagpa alim sa balay tambalanan ang biktima human kini gi dunggab niadtong miaging adlaw didto sa may Brgy. Balacbaan, lungsod sa Tampilisan ning probinsya sa Zamboanga del norte bandang 4:23PM.
Ang biktima mao si Tirso Tao Buhali, 37 anyos kinsa gidunggab ni Renante Gonotan Lumangoy, 20 anyos pulos kini sila residente sa nahisgutan nga dapit.
Sa gihimong pag imbistiga ni PO3 Carim Billones Magallion, nasayran nga samtang nagtindog kini ang biktima sa covered court sa nahisgutan nga barangay, kining person of intertest nga si Renante kalit lang miabot ug sa walay daghang pangutana ang miluba kini sa biktima sa usa ka higayon gamit ang kutsilyo, maayong pagkalaslas sa tiyan sa biktima.
Dali kining gidala sa balay tambalan alang sa hinanaling medikasyon samtang ang ang mihimo sa maong salaod dali usab kini nga miikyas sa lugar nahitaboan.
Sa pagkakaron padayon pa ang pagpangita sa kapulisan sa person of interest samtang padayon ang ilang pag imbistiga kun unsay nagpaluyon motibo sa pag pangdunggab.
