Davao City – Patay ang usa ka 45 anyos nga lalaki human gi-dunggab alas 5:00 sa kaadlawon nahitabo sa Padre Gomez St. corner Roxas Ave. ning dakbayan.
Subay sa report gikan sa Sta. Ana PNP, naila ang biktima mao si Jonathan Senoron, residente sa Barangay 32-D ning siyudad samtang ang suspetsado ginganlang Arnel Osiola Tipan, 32 anyos, netibo nga taga Caburan Jose Abad Santos, Davao Occidental.
Sa imbestigasyon sa Sta Ana PNP, nag-inum ang biktima didto sa dalang Suazo ug nilakaw sa dihang nahubog na ang biktima padulong sa Padre Gomez St. apan kalit kini gi-doul sa suspek dayon dunggab tumong sa tiyan nga bahin hinungdan sa hinanaling kamatayon sa biktima.
Naglusad usab og parallel investigation ang Scene of the Crime Operatives (SOCO) sa pagpanguna ni SPO3 Rosales diin nakuha ang kutsilyo gikan sa crime scene area.
Samtang naglusad og manhunt operation ang Sta. Ana PNP ubos sa mando ni Police Chief Inspector Nolan Raquid ug didto nadakpan ang suspetsado nga balhog na sa selda sa Sta Ana PNP samtang gihikay na sa kapulisan ang kasong murder batok sa naasoy nga suspek.
RadyoMaN Don Pulayao
