Davao City- Patay ang usa ka 41 anyos nga lalaki human kini gidunggab alas 8:00 sa gabii natigayon didto sa Purok 3 San Isidro Bunawan District ning dakbayan.
Sa record gikan sa Davao City Police Office, naila ang biktima nga usa ka Antonio Salira residente sa nasangpit nga lugar samtang ang suspek mao si Renato Canonigo, 40 kinsa nagpuyo sab sa maong lugar.
Nigawas sa imbestigasyon sa kapulisan sa Bunawan nga ang motibo sa pagdunggab sa biktima tungod nireklamo ang suspek nga wala sustentohi ang iyang igsuon nga babae nga ka live-in sa biktima hinungdan nga nagkabangi ang duruha ug gidunggab si Salira tumong sa nagkadaiyang parte sa lawas nga miresulta sa iyang hinanaling kamatayon.
Ang patay’ng lawas sa biktima anaa na gihihaya sa Rivera Funeral Homes sa Licanan Barangay Lasang ning dakbayan samtang ang suspetsado banlug na sa Bunawan PNP ug gihikay na ang kasong pagpatay ngadto kaniya.
RadyoMan Don Pulayao
